कन्या

टो, पा, पि, पु, ष, ण, ठ, पे, पो

​कार्तिक महिनाको सुरुवातसँगै तपाईंको दैनिकीमा आएको सकारात्मक परिवर्तनले मनमा आनन्द छाउनेछ। आर्थिक पाटो पनि सबल बन्दै जानेछ। नयाँ व्यापारिक साझेदारहरूको साथ र सहकार्यले योजनाहरूलाई साकार रूप दिन मद्दत पुग्नेछ। महिनाको मध्यभागमा आइपुग्दा आफ्नो बोली र व्यवहारमा विशेष ध्यान दिनुपर्नेछ। नचाहिँदो कुरामा कडा शब्द प्रयोग गर्दा आफ्नै नजिकका मानिस वा मित्रहरूसँग अकारण मनमुटाव हुन सक्छ। परिवारभित्र पनि सानोतिनो कुरालाई लिएर खिचलो वा तनाव सिर्जना हुन सक्ला तर तपाईंको सुझबुझ र धैर्यताले गर्दा स्थिति तुरुन्तै सम्हालिन पुग्नेछ। महिनाको उत्तरार्धतिर प्रवेश गर्दा तपाईंको बौद्धिक क्षमताको चौतर्फी विकास हुनेछ। लामो समयदेखि रोकिएको धन फिर्ता हुने वा पैतृक सम्पत्तिबाट अनपेक्षित लाभ प्राप्त हुने बलियो योग रहेको छ। विद्यार्थी भाइबहिनीहरूका लागि अध्ययनमा उत्कृष्ट सफलता मिल्नेछ र छात्रवृत्ति वा प्रतिस्पर्धात्मक परीक्षामा बाजी मार्न सकिनेछ।