दशैं जाँदा तिहार आयो, तिहार पनि जान्छ होला
वर्षदिनमा आएको तिहार , भाइले दिदी खोज्छ होला
यसपाली त भाइको निधार, यसै खाली रहने भो
फूलबारीमा फूलओइल्यो आगौं फेरी फुल्छ होला
छाती पिटी नरुनु भाइ आगौं फेरी आउँछ तिहार
भाइका आँशु झर्दा खेरि, मेरो मुटु पोल्छ होला
मेरो मायाँ तिम्रै साथमा , बाध्यताले टाढा भएछु
बर्षौं वर्ष टाढा हुँदा कतै भाइले दिदी भुल्छ होला
म त रुन्छु परदेश मा दाजु-भाइको सम्झनाले
पराइको सेवा गरी, कहिले धनले पुग्छ होला ?
दशैं जाँदा तिहार आयो ,तिहार पनि जान्छ होला
वर्ष दिनमा आयो तिहार ,भाइले दिदी खोज्छ होला
भाइका आँशु झर्दा यहाँ ,मेरो छाती पोल्छ होला
--------
हाम्रो पात्रोको 'ब्लग/साहित्यमा' यदि यहाँहरू पनि अाफ्ना लेख रचना सार्वजनिक गर्न चाहनुहुन्छ भने हामीलार्इ तपार्इको पुरा नाम, ठेगाना, फोटो र तपाइको व्यक्तिगत फेसबुक पेज, ब्ल्ग पेज अथवा अन्य कुनै लिंक समेत saahitya@hamropatro.com मा इमेल पठाउनुहोस्|
Liked by:
