पहिलो खेलमा पाकिस्तानसँग हार बेहोरेको टिम नेपाललाई दोश्रो खेल निक्कै महत्वपूर्ण छ । एसिया कपमा नेपालले सहभागिता मात्र जनाउन हैन, प्रतिष्पर्धा गर्न आएको हो भनेर विश्वलाई देखाउने अवसर छ । तर, भारत जस्तो कडा प्रतिष्पर्धीसँग उत्कृष्ट प्रदर्शन गर्नु नेपालको लागि अवश्य कठिन छ ।
ऐतिहासिक जित, सम्मानजनक हार या लज्जास्पद हार, नतिजा जे जस्तो आए पनि एसिया कपको पहिलो खेलमा नेपाली टोली पाकिस्तानविरुद्ध मैदानमा उत्रिँदा सम्पूर्ण नेपालीहरूको मन उत्साहित हुनेछ ।
एसीसी प्रिमियर कपमा उत्कृष्ट प्रदर्शन गर्दै उपाधि जितेर नेपालले एसिया कप २०२३ मा आफ्नो स्थान पक्का गर्यो। सन् २००२ मा नेपालले एसिया कप खेल्ने अवसर पाएतापनि भारत-पाकिस्तानको राजनीतिक विवादले गर्दा एसिया कप रद्द हुन पुगेको थियो । त्यसकारण पनि यो नेपालको पहिलो एसिया कप सहभागिता हो ।
