नामिबियामा जारी विश्व क्रिकेट लिग डिभिजन टू अन्तर्गत आजको अति रोमाञ्चक खेलमा नेपालले क्यानडामाथी एक विकेटको सनसनी पूर्ण जीत हासिल गरेकोछ । एक दिवसीय विश्वकप खेल्ने सपना जीवित राख्न आजको खेल जित्नु पर्ने ठूलो दवाव भएका कारण पनि आजको खेल अति महत्वपूर्ण थियो ।
नेपालले टस जितेर पहिले फिल्डिङ रोजेपछी ब्यटिङ गर्न आएको टिम क्यानडाले ५० ओभरमा आफ्नो ८ विकेट गुमाउँदै १९४ रनको तार्गेट नेपालसामु प्रस्तुत गरेको थियो । जवाफी ब्याटिङमा अोर्लिएको नेपाली टिमको सुरुवात खराब रह्यो । ज्ञानेन्द्र मल्ल व्यक्तिगत ९ रनमा छँदा नेपालले २२ रनमा उनको पहिलो विकेट गुमायो । त्यसपछि क्रिजमा आएका कप्तान पारस खड्का खाता खोल्न नपाउँदै आउट भएपछि नेपालले दवाबमा परेको थियो ।
तेस्रो विकेटकालागि दिलिप नाथ र दिपेन्द्रसिंह ऐरीले ५० रनको साझेदारी गर्दै टिमलाई सम्हाल्ने प्रयास गरेका थिए । तर ७३ रनको कूल स्कोरमा नेपालले चार विकेट गुमाउन पुग्यो । नेपालकालागि दिलिप नाथले ४१ रन बनाउँदा शरद भेषवाकरले मात्र एक रन जोडन सके । त्यसपछि दिपेन्द्रसिंह ऐरी पनि १८ रनमा आउट भएपछि नेपालले ८१ रनमा पाँच विकेट गुमायो ।
नेपालकालागि रोहित पौडेलले २७ तथा आरिफ शेखले २६ रन बनाए । अन्तिममा करण केसीको उत्कृष्ट ब्याटिङका कारण नेपालले गुमाइसकेको खेल आफनो पक्षमा पार्न सफल भयो । अन्तिम ओभरमा ८ रन चाहिएकोमा करणले छक्का प्रहार गर्दै नेपाललाई अन्तिम दुर्इ बलमा २ रनको अावश्यक्ताको नजिक ल्याएर जीत हासिल गराउन सफल भए । करणले अविजित ४२ रन बनाए । यो जीतसँगै नेपाल विश्व क्रिकेट लिग डिभिजन–१ मा प्रवेश गरेको छ ।
उता अर्को खेलमा नामिबियालाई १९ रनले पाखा लगाउँदै युएईले फाइनल मा नेपालसंग भेट पक्का गरेको छ । विश्व क्रिकेट लिग डिभिजन टूको फाइनल खेल भोली दिउँसो नेपाली समय अनुसार १:१५ मा सुरु हुने छ । नेपालसंगै युएई पनि डिभिजन एकमा बढुवा भएको छ भने सन् २०१९ मा हुने आइसीसी विश्वकप क्रिकेट क्वालिफायर्सकालागि समेत छनोट भएको छ ।
क्यानडाको पारी विस्तृतमाः
टस जितेर पहिले बलिङ रोजेको नेपालले ICC Division 2 अन्तर्गत नामिबियाको विनडक स्टेडियममा क्यानडा विरूद्ध महत्वपूर्ण खेलमा पहिलो पारी सक्किंदा ८ विकेट प्राप्त गर्दै १९५ रनको चुनाैति प्राप्त गरेको छ ।
नेपालकालागि भरपर्दा भेट्रान क्रिकेट स्टार बसन्त रेग्मीले १० अोभरमा ३४ रन खर्चेर क्यानडाको ३ विकेट प्राप्त गर्न सफल भए । बसन्तपछि नामिबिया यात्रामा सबैभन्दा सफल यूवा लेगस्पिनर सन्दिप लामिछानेले एक मेडन अोभर सहितको कूल ९ अोभरमा ४० रन खर्चेर २ विकेट लिन सफल भएका थिए । यस्तै करण केसि, शरद भेस्वाकरले संयूक्त १-१ विकेट लिन सफल भए ।
नेपालकासामू चुनाैति बनेका श्रीमान्थ विजयरत्नेले १५२ बलको सामना गर्दै १०३ रन सहित अविजित रहे । यसमा उनको ८ वटा चाैका समावेश छ । यस्तै क्यानडाको तर्फबाट हम्जा तारिकले २४ रन र सतसिम रञ्जित ढिन्ड्साले १८ सर्वाधिक रन जोड्न सफल भए ।
---------
प्रारम्भिक अपडेटः २ बजे मध्यान्ह
अर्को महिना जिम्बाब्वेमा हुने एकदिवसीय विश्वकप छनोट खेलमा नेपालले खेल्छ अथवा खेल्दैन पुष्टि गर्न आज आइसीसी विश्व क्रिकेट लिग डिभिजन दुई अन्तर्गत नेपाल र क्यानडाको खेलमा नेपाललार्इ जीत्न आवश्यक छ। छ टोलि मध्य शीर्षदुई स्थानमा रहन नेपाललाई अहिले भैरहेको खेलमा शीर्ष स्थानमा रहेको क्यानडालाई पराजित गर्नैपर्ने दबाव आएको छ ।
दबाबमा मैदान उत्रिएका खेलाडीहरुको आजको प्रस्तुति अव्वल रहन जरुरि छ । सबै खेलाडीलाई हाम्रो शुभ कामना ।
यो खेलको लाइभ अपडेट हाम्रो पात्रो एपको पहिलो पानामा हेर्न सक्नुहुनेछ ।
