हिमालको शिर, झुक्दैन कहिले पनि ।
मान्छेलाई धनले, पुग्दैन कहिले पनि ।
सयौं पटक बोल तिमी, झुटो कुरा,
तर सत्य कुरा, लुक्दैन कहिले पनि ।
आँसु त मेरो, प्रशान्त महासागर भो,
सुर्यको तापले, सुक्दैन कहिले पनि ।
अरुको इर्ष्या नगरी, आफ्नै काम गरे,
दुनियाँले यहाँ, थुक्दैन कहिले पनि ।
आफ्नै बाटो, खुरुखुरु हिंड्नुपर्छ सधैं,
छाडा कुकुर पनि, भुक्दैन कहिले पनि ।
____________
हाम्रो पात्रोको 'ब्लग/साहित्यमा' यदि यहाँहरू पनि अाफ्ना लेख रचना सार्वजनिक गर्न चाहनुहुन्छ भने हामीलार्इ तपार्इको पुरा नाम, ठेगाना, फोटो र तपाइको व्यक्तिगत फेसबुक पेज, ब्ल्ग पेज अथवा अन्य कुनै लिंक समेत saahitya@hamropatro.com मा इमेल पठाउनुहोस्|
Liked by:
