Horoscope

चु, चे, चो, ला, लि, लु, ले, लो, अ

साताको प्रारम्भमा शैक्षिक क्षेत्र फराकिलो हुनाले बौद्धिक क्षेत्रमा विकास हुनेछ। आवश्यक पर्दा सहयोगीहरू प्रशस्तै भेटिनेछन्। साताको मध्यमा नोकरी वा पेशामा अधिकारीबाट सहयोग पाइनेछ। स्वास्थ्यलाई लिएर चिन्ता रहनेछ। साताको अन्त्यमा आकस्मिक खर्चले धनसंग्रहमा बाधा पुग्नेछ। तारिफ योग्य कार्य गर्दै पदीय जिम्मेदारी प्राप्त गर्न सकिनेछ। सदैव भगवान सूर्यलाई अर्घ्य दिएर दिनको प्रारम्भ गरौं। यो साताको शुभ रंग गुलाबी र पहेलो हो भने शुभ अंक २ र ६ रहेको छ।

इ, उ, ए, ओ, वा, वि, वु, वे, वो

साताको प्रारम्भमा अरुको लागि बुद्धि वा श्रम खर्च गर्नुपर्ला। अरू माथि आँखा बन्द गरेर विश्वास गर्दा धोखा पाइनेछ। साताको मध्यमा धार्मिक कर्ममा मन जानेछ। उच्च शिक्षाको लागि नयाँ अवसरहरू प्राप्त हुनेछन्। साताको अन्तिममा कार्यक्षेत्रमा योग्यताको उचित मूल्यांकन पाइनेछ। साहित्य वा कलाको क्षेत्रमा सफलता मिल्नेछ। सदैव गायत्री मन्त्रको जप गरेर दिनको प्रारम्भ गरौं। यो साताको शुभ रंग रातो र निलो हो भने शुभ अंक १ र ३ रहेको छ।

का, कि, कु, घ, ङ, छ, के, को, हा

साताको प्रारम्भममा साझेदारी व्यापारबाट लाभ मिल्नेछ। भविष्यलाई लिएर नयाँ योजनाहरू बन्नेछन्। साताको मध्यमा स्वास्थ्यलाई लिएर खानपिनमा सजगता अपनाउनुहोस्। नयाँ अवसरको खोजीमा दौडधुप गर्नुपर्ला। साताको अन्त्यमा उच्चपदासीन व्यक्तिहरूसँग सम्पर्क बढ्नेछ। सांस्कृतिक अथवा सामाजिक कार्यमा सहभागी भइएला। सदैव भगवान शिवलाई जल अर्पण गरेर दिनको प्रारम्भ गरौं। यो साताको शुभ शुभ रंग पहेलो र सेतो हो भने शुभ अंक १ र ६ रहेको छ।

हि, हु, हे, हो, डा, डि, डु, डे, डो

साताको प्रारम्भमा राजनीतिक क्षेत्रमा जिम्मेवारी बढ्नेछ। आलस्य गर्नेबाट बच्नुहोस्। साताको मध्यमा दाम्पत्य जीवन सुमधुर रहनेछ। सामाजिक हितमा केही राम्रो कार्य गर्न सकिनेछ। साताको अन्तिममा अवस्था नबुझी आफ्नो कुरा नराख्नुहोस्। आर्थिक पक्ष कमजोर रहनेछ। सदैव हनुमान चालिसाको पाठ गरेर दिनको प्रारम्भ गरौ। यो साताको शुभ रंग खैरो र निलो हो भने शुभ अंक २ र ३ रहेको छ।

मा, मि, मु, मे, मो, टा, टि, टु, टे

साताको प्रारम्भमा विद्यार्थीहरूको अध्ययन र अध्यापनमा मन लाग्नेछ। प्रेम र मित्रताको बन्धन कसिनेछ। साताको मध्यमा श्रमको उचित मूल्यांकन नमिल्ला। अवसरवादीहरूले खुट्टा तान्नेछन्। साताको अन्त्यमा कार्यलाई टाल्नु भन्दा कार्यसम्पादन गर्नमा विश्वास राखौं। व्यापार व्यवसायमा जीवनसाथीको भरपूर सहयोग मिल्नेछ। सदैव भगवान विष्णुको दर्शन गरेर दिनको प्रारम्भ गरौं। यो साताको शुभ रंग सेतो र कलेजी हो भने शुभ अंक २ र ८ रहेको छ।

टो, पा, पि, पु, ष, ण, ठ, पे, पो

साताको प्रारम्भमा पारिवारिक सम्बन्धमा असमझदारी बढ्नेछ। आर्थिक क्षेत्र कमजोर रहन सक्छ। साताको मध्यमा शुभ चिन्तकहरूको साथ र सहयोग पाइनेछ। अप्ठ्यारा परिस्थितिले आफ्नो अनुकूल बनाउन सक्नुहुनेछ। साताको अन्तिममा वित्तीय वा सहकारी संस्थाबाट लाभ मिल्ला। कारोबार विस्तारको लागि नयाँ आवेदनहरू मिल्नेछन्। सदैव भगवान सूर्यलाई अर्घ्य दीएर दिनको प्रारम्भ गरौं। यो साताको शुभ रंग निलो र पहेलो हो भने शुभ अंक ७ र ९ रहेको छ।

रा, रि, रु, रे, रो, ता, ति, तु, ते

साताको प्रारम्भमा दाम्पत्य जीवन सुमधुर रहनेछ। प्रतिष्ठित कार्य गर्ने अवसर मिल्नेछ। साताको मध्यमा अबसरको खोजीमा दौडधुप गर्नुपर्ला। आशावादीहरूले झुक्याउन सक्लान्। साताको अन्तिममा उच्च शिक्षालाई लिएर नयाँ अवसरहरू मिल्नेछन्। आफ्नो क्षेत्रमा प्रभुत्व जमाउन सकिनेछ। भगवान सूर्यलाई अर्घ्य दिएर दिनको प्रारम्भ गरौं। यो साताको शुभ रंग रातो र पहेलो हो भने शुभ अंक १ र ६ रहेको छ।

तो, ना, नि, नु, ने, नो, या, यि, यु

यो सातामा तपाईको लागि कार्य क्षेत्रमा राम्रो उन्नतिका अवसरहरू रहेका छन्। आयमा वृद्धिका योगहरू रहेका छन् भने आर्थिक पक्ष सबल रहने छ। दाई र दिदीको माध्यमबाट कुनै विशेष कार्य सम्पन्न हुने सम्भावना रहेको छ। साताको अन्तिममा लगानीको लागि समय उपयुक्त छैन। प्रेम सम्बन्ध सुमधुर रहने छ भने दाम्पत्य जीवनमा पनि राम्रा योगहरू रहेका छन्। नयाँ जागिरको खोजीमा हुनुहुन्थ्यो भने प्राप्त हुने सम्भावना रहेको छ। विद्यार्थी वर्गहरूको पढाइमा राम्रो स्थिति रहेको छ। आत्मविश्वासमा वृद्धिका साथै मनोबल पनि राम्रो रहेको छ। यो सप्ताह को शुभ रंग सेतो र घ्यु रंग हो भने शुभ अंक ७ र ९ रहेको छ।

ये, यो, भा, भि, भु, धा, फा, ढा, भे

यो साता तपाईले आफ्नो व्यक्तिगत जीवनमा ध्यान दिनुपर्ने हुन्छ। आध्यात्मिक क्षेत्रमा समय बिताउन सक्नुहुन्छ। सञ्चित धनमा वृद्धि हुनका साथै व्यापार र व्यवसायमा विस्तार हुने छ। परिवारमा स्वास्थ्य सम्बन्धित समस्या रहन सक्छ। व्यर्थको कुरामा समय खेरा नफालौं समयअनुसार कार्य सम्पादित गर्ने प्रयास गर्नुहोस्‌। कुनै पुरानो साथीसंग भेटघाटका योगहरू रहेका छन्। साताको अन्तिममा केही ठोस निर्णयहरू लिन सक्नुहुने छ। विद्यार्थी वर्गहरूको साहसमा वृद्धि हुने छ साथै आत्मविश्वास पनि बढ्ने छ। यो सप्ताह को शुभ रंग हरियो र खैरो हो भने शुभ अंक १ र ६ रहेको छ।

भो,जा,जि,जु,जे,जो,ख,खि,खु,खे,खो,गा,गि

साताको प्रारम्भमा वैदेशिक आवेदनको लागि कागजपत्र दिनुभन्दा अघी जाँच गरौं। समाजमा मान सम्मान बढ्नेछ। घरेलु आवश्यकताको पूर्तिमा धन खर्च हुनेछ। कानुन विपरीत कार्य नगरौं। साताको मध्यमा घरमा मांगलिक कार्यले मन प्रसन्न रहनेछ। मठ मन्दिर वा देवस्थानको यात्रा हुनेछ। प्रेम सम्बन्धमा प्रेम जताउनुहोस् सफलता मिल्नेछ। साताको अन्तिममा व्यापारभन्दा सेवा मुलुक कामबाट लाभ पाइनेछ। शेयर मार्केटको लगानीबाट लाभ मिल्नेछ। नोकरी वा पेशामा नयाँ कार्य थप हुनेछ। लामो यात्रा कष्टपूर्ण रहन सक्छ। यो सप्ताह को शुभ रंग सेतो र केशरी हो भने शुभ अंक १ र ४ रहेको छ।

गु, गे, गो, सा, सि, सु, से, सो, दा

साताको प्रारम्भमा भाग्यको अपेक्षा कर्ममा विश्वास राखेर रोकिएका कार्य प्रारम्भ गर्नुहोस् सफलता मिल्नेछ। व्यापार विस्तारको लागि थप लगानी लगाउने अवसर मिल्नेछ। साताको मध्यमा भौतिक सुखमा वृद्धि हुनेछ। शिक्षाको क्षेत्रमा सफलता मिल्नेछ। आर्थिक पक्ष मजबुत रहनेछ। साताको अन्तिममा अविवाहितहरूलाई विवाह को प्रस्ताव मिल्नेछ साथै घरपरिवारमा रमाइलो जमघट रहनेछ। समाजमा प्रभाव बढ्नेछ। यो सप्ताह को शुभ रंग हल्का रातो र हल्का पहेलो हो भने शुभ अंक १ र ७ रहेको छ।

दि, दु, थ, झ, ञ, दे, दो, चा, चि

साताको प्रारम्भमा सञ्चित धनमा वृद्धि हुनेछ। व्यापार व्यवसायमा नयाँ अवसरहरू हात लागि पर्नेछ। विशिष्ट व्यक्तिहरूसँग निकटता बढ्नेछ। साताको मध्यमा कार्यक्षेत्रमा श्रमको अनुरूप सफलता मिल्नेछ। नोकरी वा पेशामा नयाँ जिम्मेवारी मिल्नेछ। साताको अन्तिममा मन ऊर्जावान रहनेछ। माताको स्वास्थ्यलाई लिएर चिन्ता रहनेछ। आर्थिक पक्ष सामान्य रहनेछ। अध्ययनमा प्रगति हुनेछ। कार्यक्षेत्रलाई लिएर गरिएको यात्रा सफल रहनेछ। यो सप्ताह को शुभ रंग सेतो र हल्का हरियो हो भने शुभ अंक ५ र ९ रहेको छ।