ब्लग - साहित्यनेपाली चाडपर्व तथा दिन विशेष लेखहरू
औँसीको आध्यात्मिक महत्त्व
एक मास अर्थात् महिना पनि मान्न सकिन्छ । चन्द्रमानमा एक मास भित्र ३० दिनहरू हुन्छन् अनि यी ३० दिनाकंको लगभग मध्य भागमा औँसी पर्दछ । अँध्यारो र कालो कुराहरूको बिम्बका रूपमा लिइने औँसीको आध्यात्मिक र अलौकिक महत्त्व भनेँ पृथक् छ । पूर्णिमा र औँसीको बिचमा कट्ने महिनाभरि नै आकाशमा बादलभित्र चन्द्रमा कहिले प्रस्ट देखिने र कहिले प्रस्ट नदेखिने हुन्छ । पूर्णिमामा झलमल देखिने चन्द्र औँसीमा बादलभित्र लुकेको पाइन्छ ।
अब कुरा गरौँ पुस महिनाको औँसी को, यस औँसी चाहिँ पितृ कर्म, पिण्ड, तर्पण अनि श्राद्ध आदिका लागि विशेष फलदायी दिन हो । छोटो र चिसो दिनहरू भएको पुस महिना धनधान्य र सौभाग्यको हिसाबले असाध्यै महत्त्वपूर्ण महिना पनि हो, लक्ष्मीको सौभाग्ययताको स्वरूप सौभाग्य लक्ष्मीको महिना पनि पुस नै हो ।
पौषे औँसी को दान पुण्य
यस औँसीका दिनमा दान पुण्य कार्यहरू गरेमा बृहस्पति, राहु, केतु जस्ता ग्रहहरूको नकारात्मक प्रभाव पनि कम गर्न सकिने हुन्छ । अर्कोतर्फ पितृ उद्धारका लागि काठमाण्डौको गोकर्ण, सुनसरीको वराहक्षेत्र लगायत मुस्तागंको कागबेनीमा पनि श्राद्ध गर्नेहरूको लर्को हुन्छ ।
यस वर्षको मध्य जाडोको पुस महिनाको औँसी तिथिमा सबैलाई स्वागत छ । उच्च हिमाली भेगहरूमा हिमपातका खबरहरू छन्,काठमाण्डौमा पनि हिउँदको वर्षा भइसकेको छ, चिसोबाट जोगिँदै स्वस्थ रहौँ । समस्त पितृहरूको उद्धारको कामना । सबै जनालाई सुख होस् ।
हाम्रो पात्रोका लागि सुयोग ढकाल
