"पन्छी" बनि उड्दै दयाहाङ र केकी

केहि दिन यतामात्र निर्माण पक्षले चलचित्र घामपानीको पन्छी बोलको गीत युट्युबबाट सार्वजनिक गरेको छ । चलचित्र घामपानी अन्तरजातीय बिबाह गर्ने सोच मा रहेका प्रेमीजोडी दयाहाङ राई र केकी अधिकारीको संघर्षको कथा हो । बैसाख १ गते प्रदर्शनको लागि तैयार यो चलचित्रलार्इ समिक्षक दिपेन्द्र लामाले निर्देशन गरेका हुन् । भिडियोमा दुइ प्रेमी समाजमा हुन सक्ने समस्याहरुलाई पन्छ्याउदै स्वतन्त्र पन्छी भर्इ एक अर्का को साथमा रमाई रहेको देख्न सकिन्छ । चलचित्रको यो पहिलो गीतमै केकी र दयाहाङ बीचको केमिस्ट्री आकर्षक लाग्दछ।

गीतको पुरा भिडियो यहाँ हेर्न सक्नुहुन्छ :

गीत सार्वजनिक भएको यी केहि दिनमै गीतले पाएको लोकप्रीयता हेर्दा यस्तो लाग्छ कि चलचित्रका संगीतकार कालि प्रसाद बास्कोटाले फेरी एकपटक आफ्नो संगीतको जादु नेपाली श्रोता माझ चलाएका छन् ।  यसअघि दयाहाङ राईकै चलचित्र पुरानो डुंगामा उनको "निर" बोलको गीतले दर्शकको अपार माया पायो । कालि प्रसाद बास्कोटाले एक पटक मात्र हैन लगभग हरेक चोटी आफ्नो गीतहरुबाट सफलताको स्वाद चाख्ने गर्दछन । यसपटक पनि उनलाई संगीतमा साथ् दिएका छन् म्युजिक एरेन्जर अल्मोडा राना उप्रेतीले । यी दुइको जोडी बाट श्रोतले कम अपेक्षा भने अवस्य राख्दैनन् । चलचित्र घामपानीको यो गीत अबको केहि समय पछी झन् संगीत प्रेमीहरुमाझ लोकप्रिय हुने अनुमान गर्न सकिन्छ ।