बाच्नु , बचाई फर्कनु

बाच्नु , बचाई फर्कनु

   देव प्रसाद गाैतम - Feb 09 2017

हे चालक जोशिलो
न भनुन है बबुरो
जानु कहाँ छ भन ?
हाक्छौ किन सवारी पवन गतिमा
के काम पर्यो यै छिन ?

नट बल्ट , ब्रेक जती छ
हेरेउ सबै पूर्ण छ ?
बत्ति , तेल र स्टेरिंग गियर
ति के सबै दुरूस्त छ?

मनमा तर्क बितर्क , कत्ति नगरी
खुब शान्त सतर्क भै
बदला , आवेश, ओभरटेक नगरी
बाइक मोटर हाक है ।

नजानु हतारी , गतितिब्र पारी 
आफ्नै सवारी हुनसक्छ भारी
अटेरी बहिरा बेहोशी र लाटो
हर्न बजाउदैमा खुल्दैन बाटो
गल्लि दोबाटो , ओझेल घुमाउरो
सुस्तरी हाक्दा नै हुन्छ राम्रो

चाहिदो गतिमा एकाग्र मतिमा
टुंगो मै पुग्ने छौ
हावाको गतिमा भ्रमित मतिमा
गन्तव्यनै भुल्ने छौ

ट्रयाक्टर जन्तु र बस भनेर पथिक
म आफै भनि सम्झनु
जानु सुस्तरी है चालक “चरी”
बाच्नु बचाई फर्कनु
-------------------
हाम्रो पात्रोको 'ब्लग/साहित्यमा' यदि यहाँहरू पनि अाफ्ना लेख रचना सार्वजनिक गर्न चाहनुहुन्छ भने हामीलार्इ तपार्इको पुरा नाम, ठेगाना, फोटो र तपाइको व्यक्तिगत फेसबुक पेज, ब्ल्ग पेज अथवा अन्य कुनै लिंक समेत saahitya@hamropatro.com मा इमेल पठाउनुहोस्|