पखाला लाउने भाषण

कोइलीले गीत गाइरह्यो,
किसानले खेति धाइरह्यो,
भाषण मात्रै के सुनेथेँ नेताको,
दिनभरि पखाला लाइरह्यो ।

महामारी गाउँमा आइरह्यो,
काग पनि खुबै कराइरह्यो,
बिजुली ल्याउँछु भनेदेखिन् उनले,
दिनरातै औँशी छाइरह्यो ।

विदेशी डोनेसन खाइरह्यो,
भत्ता नि थपेर पाइरह्यो,
शहरमा दिनदिनै फेर्नेले,
गाउँ आउँदा थोत्रै कोट लाइरह्यो ।

आउटडेटेड नारा बजाइरह्यो,
हारेर पनि जित्ने ऊ सत्तामा फेरि छाइरह्यो,
गाउँ नआउनु, पूरानै भाषणले अहिलेसम्म,
गाउँलेलाई पखालाले सताइरह्यो ।
-----
हाम्रो पात्रोको 'ब्लग/साहित्यमा' यदि यहाँहरू पनि आफ्ना लेख रचना सार्वजनिक गर्न चाहनुहुन्छ भने हामीलाई तपाइँको पुरा नाम, ठेगाना, फोटो र तपाइको व्यक्तिगत फेसबुक पेज, ब्ल्ग पेज अथवा अन्य कुनै लिंक समेत  saahitya@hamropatro.com मा इमेल पठाउनुहोस् |