दृष्टिविहीन व्यक्तिहरूको प्रतिभा प्रस्फुटन गर्ने हेतुले ‘लिओ क्लब अफ कान्तिपुर काठमाण्डौ’ सँगको सहकार्य ‘सर्वोदय – (समावेशी अक्षर र अनुसन्धान)’ ले कार्यक्रम सञ्चालन गरेको छ । शनिबार साउथ वेस्टर्न स्टेट कलेज बसुन्धरामा ‘अदृश्य मोतीहरू’ नाम दिएर सञ्चालन गरिएको उक्त कार्यक्रममा दृष्टिविहीन व्यक्तिहरूद्वारा सञ्चालित ब्यान्ड ‘लाइभ म्युजिक नेपाल’ ले साङ्गितिक प्रस्तुति दिएको थियो । कार्यक्रममा दृष्टिविहीन कवि मधुसुदन घिमीरेले कविता तथा मुक्तक प्रस्तुत गरेका थिए भने नेपाल टेलिकमका सहायक प्रशासकीय अधिक्रित गौतम पोख्रेलले दृष्टिविहीन व्यक्तिहरूको अवसर र चुनौतिबारे आफ्नो धारणा राखेका थिए ।
