परिवारबाट टाढा कतारमा बसेर जागिर गर्न थालेको पनि ७ वर्ष पूरा हुन लागेछ । यस बीचमा म २ पटक आफ्नो घर बर्दघाट पुगेको त छु तर आफन्त अनि साथीभाइसँग पर्याप्त समय बिताउन नपाएको कमी कहिलेकाहीँ खड्किइरहन्छ । म जस्तै कामको सिलसिलामा विदेश बस्ने हाम्रा सबै दाजुभाइ दिदीबहिनीहरूलाई पनि यस्तै महसुस हुन्छ होला । सबैको पीडा उस्तै त हो । सबैजना कोही न कोही प्रिय मान्छेहरूबाट टाढा नै हुनुहुन्छ। मलाई पनि आफ्नो परिवार एकदमै मिस हुन्छ ।
