एन आई सी एशिया बैंक लिमिटेडको मिति २०७५ मंसिर १७ गते बसेको ३८० औं सञ्चालक समितिको बैठकले बैंकका सहायक प्रमुख कार्यकारी अधिकृत श्री सुधिरनाथ पाण्डेलाई नायब प्रमुख कार्यकारी अधिकृत पदमा बढुवा गरेको छ ।
२०४६ साल मंसिरमा तत्कालिन नेपाल ग्रीण्डलेज बैंक लिमिटेडबाट बैंकिङ्ग सेवामा प्रवेश गर्नुभएका नायब प्रमुख कार्यकारी अधिकृत श्री सुधिरनाथ पाण्डेले विभिन्न बैंकहरु तथा यस एन आई सी एशिया बैंकको विभिन्न विभागहरुमा लामो समय देखि विभागीय प्रमुखको भूमिका कुशलतापूर्वक निर्वाह गर्दै आउनु भएको छ ।
नायब प्रमुख कार्यकारी अधिकृत श्री पाण्डेज्यूले प्रमुख कार्यकारी अधिकृत श्री रोशन कुमार न्यौपानेज्यू सँगै बैंकको दीर्घकालिन रणनीति तर्जुमा तथा सोको प्रभावकारी कार्यान्वयनमा उल्लेखनिय भूमिका निर्वाह गर्दै आउनुभएको छ । नायब प्रमुख कार्यकारी अधिकृत श्री पाण्डेज्यूले आजैका मितिमा पदभार ग्रहण गर्नुभयो । पदभार ग्रहण गर्दै नायब प्रमुख कार्यकारी अधिकृत श्री पाण्डेज्यूले “बैंक पनि, साथी पनि, राम्रो पनि, हाम्रो पनि” भन्ने बैंकको मूल नारालाई आत्मासाथ गर्दै समृद्घ नेपाल, सुखी नेपाली को राष्ट्रिय अभियानमा बैंकको तर्पmबाट उल्लेखनिय योगदान पुर्याउने जानकारी गराउनुभयो ।
बैंकलाई आम जनमानसले गरेको प्रगाढ विश्वास, अगाध स्नेह र भरोसाले गर्दा मुलुकभर करिब १४ लाख भन्दा बढि सेवाग्राहीहरुको बैंक बन्न सफल भएको छ । यसैगरी, जम्मा २६८ शाखा तथा २८१ एटीएमसहित देशकै सबैभन्दा बढी शाखा सञ्जालबाट बैंकले बैंकिङ्ग सेवा प्रदान गरिरहेको छ ।
