डायपर डर्मेटाइटिस भनेको डायपर लगाइने क्षेत्रमा हुने दागहरू (rashes) हो । यी मध्ये सबैभन्दा सामान्य जलन डायपर डर्मेटाइटिस ( Irritant diaper dermatitis) हो। यसमा बालबालिकाको डायपर लगाउने स्थानमा रातोपन देखिने र बच्चाहरूलाई पोल्ने गर्दछ ।
यसका कारणहरू :
• डायपर क्षेत्रमा पिसाब र दिशाको इन्जाइमहरूको गतिविधिले सुन्निने हुन्छ, छालाको सामान्य अवरोधलाई बाधा पुर्याउँछ , जलन र जीवहरूको (microorganisms) संवेदनशीलता बढाउँछ।
अतिरिक्त कारकहरू :
• बारम्बार डायपर परिवर्तनको अभाव।
• ढिलो वा बारम्बार दिसा (loose and frequent motion of stool)
• डायपर प्रयोग गर्ने स्थानमा अनावश्यक घर्षण वा फोहोर वाइप्सको प्रयोग ।
Candidal संक्रमण हो भनेर कसरी पत्ता लगाउने ?
• डायपर लगाएको स्थानमा रातो अथवा गुलाबी हुन्छ।
• छोरा बच्चामा लिंग,अंडकोष संलग्न हुनसक्छ भने छोरीको योनिमा रातोपना देखिन सक्छ ।
समाधान
• बारम्बार डायपर परिवर्तन गर्नुहोस् ।
• डायपर प्रयोग नगरि "आराम"को अवधि।
• छालाको सफाई नरम मलमल कपडा र मनतातो पानीले गर्नुहोस्।
• दिशा पिसाब गरिसकेपछि आवश्यकता भन्दा धेरै धुने अथवा पुछ्ने नगर्नुहोस् ।
• डिस्पोजेबल डायपर प्रयोग गर्नुहोस् ।
यदि तपाइँसँग कुनै अरु थप समस्या या जिज्ञासा छ भने तपाईंहरूले हाम्रो पात्रो हेल्थ मार्फत डाक्टर मुक्ति घिमिरेसँग अनलाइन परामर्श लिन सक्नुहुनेछ ।
डा मुक्ति घिमिरे
बाल रोग विशेषज्ञ
