Suyog Dhakal · May ३, २०१७
निर्वाचन समबन्धी जानकारी अनि विचारहरुलाई सहजै तपाँईहामी माझ ल्याउन हाम्रो पात्रोको निर्वाचन विशेष श्रृखलामा तपाँईलाई स्वागत छ ।
बैशाख ३१ गते र जेष्ठ ३१ गते मध्य तपाँईको मत हाल्ने दिन कुन दिन पर्दछ ? यो कुरा पत्ता लगाउनकालागी तपाँई कुन प्रदेशमा पर्नुहुन्छ भन्ने थाहा पाउन जरुरी छ, है ।
प्रदेश नंबर ३, ४ र ६ मा प्रथम चरणमा निर्वाचन गरिनेछ भने बाँकी १, २, ५ र ७ मा दोश्रो चरण अर्थात जेठ ३१ गते निर्वाचन गरिदैछ ।
यो पनि हेर्नुहोस् : मधेश मुद्धा, निर्वाचन अनि नेपालको जिवित प्रजातन्त्र
२० वर्षपछी हुनआँटेको यस स्थानिय निर्वाचनमा आफ्ना अमुल्य मत दिएर देश वनाउने सुकर्ममा सही उम्मेदवार छान्नु हामी सबै जनाको कर्तब्य हो । आउनुहोस्, १८ वर्ष पुगेर आफ्नो नाम मतवदाता नामावलीमा दर्ता गराउनुभएका नेपालीहरुलाई आफ्नो मतदान केन्द्र कहाँ पर्यो र नामावली मा आफ्नो भएनभएको पत्ता लगाउने सरल उपाय ब्याख्या गर्न जाँदैछौ ।
सर्वप्रथम आफ्नो मतदाता नामावलीको नाम खोज्नकालागी हामी निर्वाचन आयोगको वेबसाईट
http://www.election.gov.np/np
मा जान पर्दछ , यसरी वेबसाईटमा छिरिसकेपछी हामीले निम्न पेज, अर्थात निर्वाचन आयोगको होम पेज, गृह पृष्ठ देख्दछौ । 
यस गृहपृष्ठको दाहिने तर्फ एकजना महिलाले कम्यूटर अगाडि बसेको ठाँउमा क्लीक गरेपश्चात हामी विसं २०७३ फाल्गुन ९ गतेसम्मको अन्तीम मतदाता नामावली तथ्याकंमा पुग्दछौ । यस तथ्याकं पृष्ठको स्वरुप निम्न उल्लेखित पृष्ठ रहेको छ ।
यस पृष्ठमा रहेका सरल जानकारी का विकल्पहरु छानेर क्लीक गरेपछी हामीले आफ्नो मतदाता नामावलीका रहेको नाम र मतदान केन्द्र लगायत थुप्रै कुराहरुको जानकारी पाउन सक्दछौ ।
यस पृष्ठमा सर्वप्रथम तपाँईले जिल्ला छान्नुपर्ने हुन्छ, त्यसपछी गाँउपालिका या नगरपालिका छानेपछी वडा नंबर छान्न पर्नेछ अनि मतदान केन्द्र छानेपछी तपाँईको मतदान केन्द्रमा रहेका मतदाताहरुको नाम देख्न सकिनेछ । यसपछी सजिलै आफ्नो नाम खोजेर भएनभएको पत्ता लगाउन सकिनेछ ।
र यदि कहिलेकाँही डिसप्ले नभएमा कन्ट्रोल र एफ ५ वटन थिचेर रिफ्रेश गरेर हेर्न सकिन्छ या आफ्नो ईन्टरनेट कनेक्शन जाँच गर्न सक्नुहुनेछ ।
यसका साथै निर्वाचन आयोगले निर्वाचन सँग समबन्धीत सम्पूर्ण जानकारीहरुलाई आफ्नो मोबाईल एप ईसीएन एप पनि उपलब्ध गराएको छ ।
देश वनाँउने यो सुअवसरमा नचुकौ, आफ्नो मत बुझेका उम्मेदवारलाई मतदान गरौ ।
सुयोग ढकाल
