फेसबुकले स्थानीय निर्वाचनको सन्देश दियोः तपाईले भोट हाल्नुभयो ?

संसारभरि अत्यन्त प्रचलित सामाजिक सञ्जाल फेसबुक जसमा संसारभरिका अरबौँ प्रयोकर्ताहरु रहेका छन्, तपाईहामी मध्ये अधिकांशले फेसबुक चलाँउछौ हैन र ? 

यसै अन्तराष्ट्रिय कम्पनी फेसबुक जसले विभिन्न समयमा अन्तराष्ट्रिय घटनाक्रमलाई आफ्ना प्रयोगकर्तासमक्ष विभिन्न तवरले एउटा सामाजिक आह्वान गर्ने गर्दछ । फ्रान्समा भएको बम बिष्फोटदेखि नाईजेरियाका बालिका अपहरणका घटनासम्म अनि तेश्रो लिङ्गीहरुको अधिकारकालागि फेसबुक नियमित सामाजिक दायित्वको अभियानमा लागीपरेको हुन्छ । चाहे प्रोफाईल फोटोको रङ्ग बदलिने सुविधा होस् या सुन्तला रङ्गको प्रोफाईल फोटो बनाउने क्रम होस्, प्रे फर फलाना देश भन्दै पनि फेसबुकले लहर चलाउँदै अाएको छ । 

नेपालको स्थानीय निर्वाचनलाई आज जनाऊ गर्दै फेसबुकले नेपाली प्रयोकर्ता समक्ष यस्तै एउटा अभियान ल्याएको छ, तपाईको फेसबुकमा पनि देख्नुभयो होला । 

निलो रगंमा मत हालेको लोगो को मुनी यो समय स्थानीय निर्वाचन २०१७ मा मतदान गर्ने समय हो भनेर मत हाल्न झक्झक्याउने फेसबुकको यो सन्देशकालागि आम नेपालीका तर्फवाट धेरै धेरै साधूवाद । 

हामी पनि सोध्छौं, भोट हाल्नुभयो त ? 

----
सुयोग ढकाल