रात दिन लागिरहन्छ पिर हजुरको
आँखै भरी सजीएको तस्वीर हजुरको !
छाती छियाछिया मेरो बरु गर्दन जावोस
झुक्न दिने छैन कहिल्यै शिर हजुरको !
आफ्नो थालमा आटो होस यात भोकै बसु
भर्दिने छु सधै थालमा खिर हजुरको !
एउटै काममा एउटै ठाममा खुट्टा अडिदैन
भईराकोछ छोरो मुसाफिर हजुरको !
आफ्नो भाग्य जसोतसो झिन चलिराछ
बदल्ने मन छ आमा तक्दिर हजुरको !!
--------
हाम्रो पात्रोको 'ब्लग/साहित्यमा' यदि यहाँहरू पनि आफ्ना लेख रचना सार्वजनिक गर्न चाहनुहुन्छ भने हामीलाई तपाइँको पुरा नाम, ठेगाना, फोटो र तपाइको व्यक्तिगत फेसबुक पेज, ब्ल्ग पेज अथवा अन्य कुनै लिंक समेत saahitya@hamropatro.com मा इमेल पठाउनुहोस्
Liked by:
