Tej Kumar Bastola - Aug 27 2016 सपनीमा मात्र भन्थें बिपनीमा मरेंछु म ।
फुल्ने रहर बाँकि हुँदै कोपिलैमा झरेंछु म ।।
दुई चार बाक्सा सामान बोकि घर आउँला भन्ने थियो ।
दैब आई लगे मलाई बाकसभित्र परेंछु म ।।
मेरो साटो दुईटि छोरी छोडेको छु उनीसँग।
म त जल्ने भँए हेर बडेमानको धुनीसँग ।।
चुरा फोर सिन्दूर पुछ समाजलाई देखाउँनु ।
आत्मा जल्यो होला तिम्रो जसोतसो सेकाउँनु ।।
करोडाैको भीडमा दैब उनकै नजर परेँछु म ।।
दैब आई लगे मलाई बाकसभित्र परेंछु म ।।
सानी छोरी बिजोग होलीन् तिमी कतै गयौ भने ।
घर गाउँले कुरा काट्लान तिमी अर्कै भयाै भने ।।
यो जुनीमा यस्तै भयो ओईलिएर झरेंछु म ।
दैव आई लगे मलाई बाकसभित्र परेंछु म ।।
----
हाम्रो पात्रोको 'ब्लग/साहित्यमा' यदि यहाँहरू पनि अाफ्ना लेख रचना सार्वजनिक गर्न चाहनुहुन्छ भने हामीलार्इ तपार्इको पुरा नाम, ठेगाना, फोटो र तपाइको व्यक्तिगत फेसबुक पेज, ब्ल्ग पेज अथवा अन्य कुनै लिंक समेत saahitya@hamropatro.com मा इमेल पठाउनुहोस् ।
Liked by:
