टुक्राटुक्रा दिल मेरो छिया छिया मुटु
बोकेर अब सिउनु बेकार छ
तिमिलाई सुम्पेको पवित्र प्रेम, अाशा अनि भरोसा
फिर्ता मागेर यहाँ जिउनु बेकार छ ।
भन्छन् पिएपछि भुल्न सजिलो हुन्छ माया
भुल्नकै लागि भनेर पिउनु बेकार छ ।
भन्लान् गाँजे भयो अनि जड्याहा भयो
तिम्रो बदनामि गरेर जिउनु बेकार छ ।
म त तिमीलाई सच्चा माया गरेको मान्छे
छुटेपछि खोट लगाई चोखिनु बेकार छ ।
तिमी जे सुकै भन अनि जसोसुकै गर
तर तिमिलाई मैले गरेको माया भन्दिन धिक्कार छ ।
टुक्राटुक्रा दिल मेरो छिया छिया मुटु
बोकेर अब सिउनु बेकार छ
तिमिलाई सुम्पेको पवित्र प्रेम, अाशा अनि भरोसा
फिर्ता मागेर यहाँ जिउनु बेकार छ ।
-------
हाम्रो पात्रोको 'ब्लग/साहित्यमा' यदि यहाँहरू पनि अाफ्ना लेख रचना सार्वजनिक गर्न चाहनुहुन्छ भने हामीलार्इ तपार्इको पुरा नाम, ठेगाना, फोटो र तपाइको व्यक्तिगत फेसबुक पेज, ब्ल्ग पेज अथवा अन्य कुनै लिंक समेत saahitya@hamropatro.com मा इमेल पठाउनुहोस्|
Liked by:
