अहो! फँसिएछ जिन्दगीको भीरमा फँसिएछ।
दिल भित्रका अनेक अनेक पीरमा फँसिएछ।
सोचिएन कहिल्यै पनि प्रेमको नसा थियो।
तिम्रो सिउँदो सिन्दूर भरी सिरमा फँसिएछ।
अभावको भुमरीमा फँसेपछी मात्र बल्ल आज
लाग्न थाल्यो पक्का पनि जन्जिरमा फँसिएछ।
दोस कसलाई लगाउ अहो गल्ती आफ्नै थियो।
आफ्नै भाग्य आफ्नै कर्म तक्दिरमा फँसिएछ।
खुब विश्वास गर्ने गर्थें मैंले पनि भगवानलाई
हजार वाचा कसम खाई मन्दिरमा फँसिएछ।
----
हाम्रो पात्रोको 'ब्लग/साहित्यमा' यदि यहाँहरू पनि अाफ्ना लेख रचना सार्वजनिक गर्न चाहनुहुन्छ भने हामीलार्इ तपार्इको पुरा नाम, ठेगाना, फोटो र तपाइको व्यक्तिगत फेसबुक पेज, ब्ल्ग पेज अथवा अन्य कुनै लिंक समेत saahitya@hamropatro.com मा इमेल पठाउनुहोस् ।
Liked by:
