हेरेर तिम्रो तस्बीर मुस्कुराउन खोजिएछ।
बोकेर मनमा पिर मुस्कुराउन खोजिएछ।
भक्कानिन्छ मन त्यसै अनेक बाहनामा यहाँ
तोडेर पनि त जन्जिर मुस्कुराउन खोजिएछ।
हास्नेहरु मात्रै खुशी देखिदैनन् अचले कतै
रोएर भएनी आखिर मुस्कुराउन खोजिएछ।
सिन्दुर पोते र चुरालाई सौभाग्य ठान्दा ठान्दै
देखेर त्यो रातो अविर मुस्कुराउन खोजिएछ ।
हिमाल देखेर खुब टोलाइ रहन्छु अचेल म पनि
बनेर सधैं स्थिर मुस्कुराउन खोजिएछ।
---------
हाम्रो पात्रोको 'ब्लग/साहित्यमा' यदि यहाँहरू पनि अाफ्ना लेख रचना सार्वजनिक गर्न चाहनुहुन्छ भने हामीलार्इ तपार्इको पुरा नाम, ठेगाना, फोटो र तपाइको व्यक्तिगत फेसबुक पेज, ब्ल्ग पेज अथवा अन्य कुनै लिंक समेत saahitya@hamropatro.com मा इमेल पठाउनुहोस्|
Liked by:
