यहाँ अर्काको घर उजाड्नेहरू सत्तामा हुन्छन्,
अनि घर बनाउनेहरू चाहिँ कोठामा हुन्छन् ।
भलो त कसैको चिताउनै नहुने किन होला ?
परोपकारी नै पो त दुश्मनको घेरामा हुन्छन् ।
मान्छे चिनिन्छ अरे भन्छन् उसको पहिरनले,
र त सबैका आँखा मान्छेका जुत्ता, लुगामा हुन्छन् ।
त्यतिबेला देश चलाउने एउटै राजा हुन्थे,
ओहो अहिले त राजा हाम्रा वडा-वडामा हुन्छन् ।
पाउँदैन मेरो देशमा अवसर इमान्दारले,
भ्रष्टका आसेपासे नै उच्च ओहोदामा हुन्छन् ।
बेरोजगारको संख्या ह्वात्तै बढेछ कि के हो कुन्नि !
बीस तीस हजार मान्छे त भेला सभामा हुन्छन् ।।
--------
हाम्रो पात्रोको 'ब्लग/साहित्यमा' यदि यहाँहरू पनि आफ्ना लेख रचना सार्वजनिक गर्न चाहनुहुन्छ भने हामीलाई तपाइँको पुरा नाम, ठेगाना, फोटो र तपाइको व्यक्तिगत फेसबुक पेज, ब्ल्ग पेज अथवा अन्य कुनै लिंक समेत saahitya@hamropatro.com मा इमेल पठाउनुहोस्।
Liked by:
