खै के सोची हाम्रो बिहे, हुन्न अब भनी !
गह भरी आँसु थियो तर, रुन्न अब भनी !
सतिले हारेको देशमा मैले कहाँ जित्नु,
म अछुत हुँ रे तिमीलाई, छुन्न अब भनी !
तिमी र तिम्रो समाजबाट टाढा जाँदैछु,
मेरो बोली पनि पाउँदैनौ, सुन्न अब भनी !
तिम्रो आफन्तहरुले मलाई पन्छ्याउन,
पर्दैन षड्यन्त्रको जाल, बुन्न अब भनी !
पानी पधेंरो मेलापात हाम्रै कुरा गर्नेहरु,
म नै भएन भने छोड्छन्, गुन्न अब भनी !
म जहाँ जाउँ जसोरी रहुँ चासो नलिनु,
खबर भन्लान् कोहि पर्दैन, धुन्न अब भनी !
----
हाम्रो पात्रोको 'ब्लग/साहित्यमा' यदि यहाँहरू पनि अाफ्ना लेख रचना सार्वजनिक गर्न चाहनुहुन्छ भने हामीलार्इ तपार्इको पुरा नाम, ठेगाना, फोटो र तपाइको व्यक्तिगत फेसबुक पेज, ब्ल्ग पेज अथवा अन्य कुनै लिंक समेत saahitya@hamropatro.com मा इमेल पठाउनुहोस् |
Liked by:
