फेरि एक्कासी नसोचेको सम्झौतामा आयौ
पहिले रुचायौ अब छाड्ने प्रक्रियामा आयौ
हेर्दा आँखा टल्किए ती श्रीङ्गार कसका लागी
औधी परी जस्तो फुलैफूलको थुङ्गामा आयौ
नजीक हुँदा छुन समेत नदिने प्रेमिका तिमी
आज भब्यरूपले चुम्बन गर्दै सपनामा आयौ
भुल्ने प्रयास मैले पनि बडो गरेकै हूँ! निष्ठुरी
घरी मस्तिष्कमा आयौ, घरी आँखामा आयौ
न'त जाउ भन्न सक्छु न'सक्छु यतै बसौं भन्न
छ साथमा पत्नी यो कस्तो अवस्थामा आयौ
-----
हाम्रो पात्रोको 'ब्लग/साहित्यमा' यदि यहाँहरू पनि आफ्ना लेख रचना सार्वजनिक गर्न चाहनुहुन्छ भने हामीलाई तपाइँको पुरा नाम, ठेगाना, फोटो र तपाइको व्यक्तिगत फेसबुक पेज, ब्ल्ग पेज अथवा अन्य कुनै लिंक समेत saahitya@hamropatro.com मा इमेल पठाउनुहोस्।
Liked by:
