सम्झनामा आए मेरा अफान्तजन यो दशैँमा ।
परदेशिको आँखा भिज्यो रोयो मन यो दशैँमा ।।
गाउ बस्ती चोकभरी नया गीत बज्यो होला ,
सम्झिदैछु को को नाचे घरको आगन यो दशैँमा ।
बुवा आमा गन्दै होलान सालअनि महिना गते ,
पिङ डाडामा एक्लै होलि मायालु झन यो दशैँमा ।
पठाइरहन्छ्न साथिभाइ बाडुलिमा यादहरु ,
छुट्ने भयो रंग रौस रमाइलोपन यो दशैँमा ।
रहर हो कि बाध्यता हो जिन्दगिको यात्रा ,
मान्नु पर्यो भाग्यकै खटन पटन यो दशैँमा ।
---------
हाम्रो पात्रोको 'ब्लग/साहित्यमा' यदि यहाँहरू पनि अाफ्ना लेख रचना सार्वजनिक गर्न चाहनुहुन्छ भने हामीलार्इ तपार्इको पुरा नाम, ठेगाना, फोटो र तपाइको व्यक्तिगत फेसबुक पेज, ब्ल्ग पेज अथवा अन्य कुनै लिंक समेत saahitya@hamropatro.com मा इमेल पठाउनुहोस्|
Liked by:
