राशिफल

चु, चे, चो, ला, लि, लु, ले, लो, अ

साताको प्रारम्भमा कार्यक्षेत्रमा कार्यकुशलताले अधिकारी वर्गहरु प्रभावित रहनेछन्। घरपरिवारसंग भ्रमणको योग रहेको छ। अध्यापनको क्षेत्रबाट सम्मान पाइनेछ। साताको मध्यमा नयाँ व्यापार प्रारम्भ गर्नुभन्दा अघि माता पिता वा जानकारको सल्लाह अवश्य लिनुहोला। साताको अन्तिममा व्यापार व्यवसायमा सहयोगीहरूको सहयोगले गर्दा रोकिएका काम प्रारम्भ हुनेछन्। व्यापार क्षेत्रमा पारदर्शिता राख्नुहोस्। आयका नयाँ स्रोतहरू बन्नेछन्। यो सप्ताह को शुभ रंग गुलाबी र खैरो हो भने शुभ अंक ७ र ९ रहेको छ।

इ, उ, ए, ओ, वा, वि, वु, वे, वो

साताको प्रारम्भमा आफन्तहरूसित रमाइलो समय बित्नेछ। छरछिमेकी संग बोल्दा बाणीको ध्यान राखौं। व्यापार व्यवसायमा दीर्घकालीन योजनाहरू बन्नेछन्। साताको मध्यमा जीवन साथी संग मनमुटाव रहनेछ। नोकरी वा पेशामा सहयोगीहरूसित नउल्झिनुहोस्। साताको अन्तिममा व्यापार व्यवसायमा थोरै मेहनतले पनि अप्ठ्यारो कार्य सम्पादित हुनेछ। श्वासप्रश्वास सम्बन्धी समस्या छ भने बढ्नेछ। कार्यक्षेत्रमा मित्रवर्गहरूको सहयोग मिल्नेछ। यो सप्ताहको शुभ रंग रातो र हल्का पहेलो हो भने शुभ अंक १ र ९ रहेको छ।

का, कि, कु, घ, ङ, छ, के, को, हा

साताको प्रारम्भमा सकरात्मक विचारले मन प्रसन्न रहनेछ। सन्तान पक्षबाट शुभ सूचना मिल्नेछ। पूरा गर्न नसक्ने वाचा नगरौँ। साताको मध्यमा पेटसम्बन्धी समस्या देखा पर्न सक्ला खानपानमा विशेष ध्यान दिनुहोला। सवारी साधनमा धन खर्च हुनेछ। विद्यार्थीहरूको तर्कशक्तिमा वृद्धि हुनेछ। साताको अन्तिममा नोकरी वा पेशामा सहकर्मीहरूको साथ मिल्नेछ। मीडिया र चलचित्रको क्षेत्रबाट लाभ मिल्नेछ। प्रतिस्पर्धी छात्रहरूलाई प्रतिस्पर्धामा सफलता मिल्नेछ। कार्यक्षेत्रमा नयाँ अवसरको प्रयत्न गर्नुहोला। यो सप्ताह को शुभ रंग सेतो र रातो हो भने शुभ अंक २ र ६ रहेको छ।

हि, हु, हे, हो, डा, डि, डु, डे, डो

नोकरी वा पेशामा शत्रुहरू बढ्नेछन्। वित्तीय लेनदेनमा समस्या आउन सक्छ। सवारी साधन चलाउँदा सावधान रहनुहोला। साताको मध्यमा आर्थिक कारोबारमा विस्तारका नयाँ अवसरहरू आउनेछन्। जीवनसाथीको स्वास्थ्यमा सुधार आउनेछ। साताको अन्तिममा अप्रिय समाचारले मन अशान्त हुनसक्छ। आफ्नो महत्वकांक्षा पूरा गर्नमा गाह्रो हुनेछ। बच्चाहरूलाई मौसमी बिमारीबाट जोगाउनुहोस्। यो सप्ताह को शुभ रंग हरियो र निलो हो भने शुभ अंक ३ र ५ रहेको छ।

मा, मि, मु, मे, मो, टा, टि, टु, टे

साताको प्रारम्भमा साझेदारी व्यापारबाट लाभ मिल्नेछ। जीवनसाथीको स्वास्थ्यलाई लिएर चिन्ता रहनेछ। साताको मध्यमा व्यापार व्यवसायमा हानि हुने सम्भावना छ। साताको अन्तिममा राजनीतिक क्षेत्र वा सामाजिक क्षेत्र दुवैतिर मान प्रतिष्ठामा वृद्धि हुनेछ। व्यापारको विस्तारको लागि समय अनुकूल रहेको छ। स्वास्थ्यको लागि विश्राम र खानपानमा ध्यान दिनुहोला। दाम्पत्त्य जीवनमा मनमुटाव हुनसक्छ। यो सप्ताह को शुभ रंग सेतो र गुलाबी हो भने शुभ अंक ४ र ७ रहेको छ।

टो, पा, पि, पु, ष, ण, ठ, पे, पो

साताको प्रारम्भमा हजुरलाई स्वास्थ्यलाई लिएर चिन्ता रहनेछ। परिवारसंग मनमुटाव रहनेछ। वैदेशिक काममा समय अनुकूल नहोला। साताको मध्यमा व्यापार व्यवसायमा लाभ रहनेछ। धार्मिक यात्रा गर्नुपर्ला। साताको अन्तिममा पिताको स्वास्थ्यलाई लिएर चिन्ता रहनेछ। नोकरी वा पेशामा अधिकारीहरूबाट सम्मान पाइनेछ। विद्यार्थीहरूलाई अध्ययन अध्यापनको लागि यो सप्ताह राम्रो रहनेछ। यो सप्ताह को शुभ रंग हल्का रातो र पहेलो हो भने शुभ अंक ३ र ५ रहेको छ।

रा, रि, रु, रे, रो, ता, ति, तु, ते

साताको प्रारम्भमा विश्वास पात्रहरूबाट सहयोग पाइनेछ। लगनशीलताले संकल्प पूरा गर्न सकिनेछ। साताको मध्यमा इच्छाशक्ति बढ्नुका साथै कीर्तिमान कार्य गर्ने समय रहेको छ। स्वास्थ्यमा ध्यान दिनुहोला। साताको अन्तिममा प्रेम र मित्रताको बन्धन कसिनेछ। विद्यार्थीहरूको पठनपाठनमा मन लाग्नेछ। सदैव हनुमान चालिसाको पाठ गरेर दिनको प्रारम्भ गरौं। यो साताको शुभ रंग निलो र सेतो हो भने शुभ अंक २ र ६ रहेको छ।

तो, ना, नि, नु, ने, नो, या, यि, यु

साताको प्रारम्भमा आफन्तहरू मध्य रमाइलो समय व्यतीत हुनेछ। साहित्य र कलाको क्षेत्रमा विशेष सफलता हात लाग्नेछ। साताको मध्यमा कार्यक्षेत्रमा सहयोग दिनेवाला प्रशस्त भेटिनेछन्। व्यापार व्यवसायमा लाभ रहनेछ। साताको अन्तिममा आफन्तहरूको साथ मिल्नाले नँया कार्यप्रति उत्साह जाग्नेछ। खर्चिलो समय रहनाले धन जोगाउने प्रयास गर्नुहोला। सदैव देवीको दर्शन गरेर दिनको प्रारम्भ गरौं। यो साताको शुभ रंग रातो र सेतो हो भने शुभ अंक २ र ५ रहेको छ।

ये, यो, भा, भि, भु, धा, फा, ढा, भे

साताको प्रारम्भमा सामाजिक कार्यले धेरैको मन लोभ्याउन सकिनेछ। व्यापार व्यवसायमा अड्केको रकम उठाउने प्रयास गर्नुहोस् सफलता मिल्नेछ। साताको मध्यमा सञ्चित धनमा वृद्धि हुनेछ। भाषण वा अभिव्यक्ति कलामा निखार आउनेछ। साताको अन्तिममा आफूभन्दा सानाप्रति आत्मीय भाव जाग्नेछ। परिस्थितिलाई आफ्नो अनुकूल बनाउन सकिनेछ। सदैव गौ माताको सेवा गरेर दिनको प्रारम्भ गरौ। यो साताको शुभ रंग हरियो र गुलाबी हो भने शुभ अंक ३ र ७ रहेको छ।

भो,जा,जि,जु,जे,जो,ख,खि,खु,खे,खो,गा,गि

साताको प्रारम्भमा नोकरी वा पेशामा झुटो आरोप वहन गर्नुपर्ला। अध्यात्मतर्फ झुकाव बढ्नेछ। साताको मध्यमा सेवामुलक कामबाट लाभ मिल्नेछ। आफन्तहरू मध्य चलिरहेको वादविवाद सुल्झिनेछ। साताको अन्त्यमा बोलिको माध्यमले कार्य सिद्ध गर्न सकिनेछ। अध्ययन अध्यापनमा सफलता मिल्नेछ। सदैव भगवान शंकरको दर्शन गरेर दिनको प्रारम्भ गरौं। यो साताको शुभ रंग सेतो र बैजनी हो भने शुभ अंक ४ र ८ रहेको छ।

गु, गे, गो, सा, सि, सु, से, सो, दा

साताको प्रारम्भमा व्यापार व्यवसायमा छोटो समयमा राम्रो लाभ उठाउन सकिनेछ। प्रभावशाली व्यक्तित्व निर्माण गर्ने समय रहेको छ। साताको मध्यमा वैदेशिक रोजगारमा सफलता मिल्नेछ। कार्यक्षेत्रमा कार्य दोहोराएर गर्नुपर्ला। साताको अन्तिममा कठिन काम बन्नाले नयाँ कार्यतर्फ अग्रसर भइनेछ। समाजमा मान प्रतिष्ठा बढ्नेछ। सदैव हनुमान चालिसाको पाठ गरेर दिनको प्रारम्भ गरौं। यो साताको शुभ रंग रातो र खैरो हो भने शुभ अंक ५ र ७ रहेको छ।

दि, दु, थ, झ, ञ, दे, दो, चा, चि

साताको प्रारम्भमा कामको चापबाट मुक्ति मिल्नेछ। पिताको सहयोगले अड्किएको काम बन्नेछ। साताको मध्यमा नयाँ कामको प्रस्ताव आउनेछ भने सहयोगीहरू पनि प्रशस्तै भेटिनेछन्। व्यापार व्यवसायमा लगानी बढाउने अवसर प्राप्त हुनेछ। साताको अन्त्यमा सवारी साधन चलाउँदा सावधान रहनुहोला। शत्रुहरू सक्रिय रहनेछन्। भगवान गणेशलाई दुवो अर्पण गरेर दिनको प्रारम्भ गरौं। यो साताको शुभ रंग हरियो र केशरी हो भने शुभ अंक ६ र ९ रहेको छ।